隨感亡魂的網絡拾遺

懷住朝聖的心睇完了SAO序列爭戰, 這篇每五分鐘就暫停寫下的隨想吐糟就用原文的廣東口語刊登好了。
結論寫最前：序列爭戰荒謬在用小學程度的科學去解釋所有設定, 加上劇中太多小bug令整個故事千蒼百孔。那怕只有些少批判思維去審視整個故事的邏輯就會立即崩潰。或是可以說, 這就是一貫川原礫的作風, 太過執著於SAO式的龍傲天, 明明有很多種令故事更好更正常的劇情走向, 川原礫偏偏要強行用龍傲天式的蠻力解決所有問題及危機, 甚至多次扭曲核心設定去迎合龍倣天的劇情取態, 總之所有配角是渣渣及智障，只有桐爺一個人最可靠最可以拯救世界等等等等都令到成個故事失去所有可以更好的可能。
但有個事實我無法否認, 儘管前九成的劇情無論邏輯還是情感都一塌糊塗, 但悠娜在最後拯救了整部電影情感上大半的空洞, 真正地一個救全家！
亦因為悠娜才令我遲來地發現川原礫真正的才華是寫免洗角色的悲劇, 龍傲天反而是是埋沒了他。他有能力用很短的篇幅令一個角色在短暫的生命中發光發亮, 亦因為這類角色很少會有邏輯矛盾, 亦就不需要理會bug的問題。換個說法, 殺人才是他的天賦, 所以筆下那些永垂不朽的角色都只會一個比一個惹人討厭。

好了以下開始是序列爭戰的吐糟筆記, 含大量劇透, 請自行斟酌。

1) 個幽靈AI又係抄.hack//, 根本就係歐凡個女！抄到一模一樣！
2) 都22世妃仲玩食鬼你咩料吖
3) 無啦啦係商場中心唱歌... 唉尼個我由你...
4) 哦哦島國都會可以封哂一段馬路俾你班契弟打機, 仲要隔離就係馬路, 打到high high地衝左出馬路俾車撞死點算好?
5) 你個頭戴左舊類似VR既野, 影響到你視覺, 加埋聽覺好未? 然後你俾隻boss打中個會訓低... 仲可以同boss鬥力? 即係仲會有觸覺? 果舊咩眼鏡咁巴閉?
6) 嘩桐人哥你跑步都會仆到面著地, 但當boss一刀劈埋黎由躺平到彈起再到逃走整套動作一氣呵成, 成龍咁款, 完全唔似明日奈所謂既鍛鍊不足喎大佬！
7) 你有無敵既結衣但就要自己用google黎查website, 真係有恆心啦桐人哥！
8) 明日奈你沖涼都掛住玩電話尼個就算啦, 果舊咩眼鏡可以咁多功能咁方便你又咁推崇, 但你就走返去用手機? 點解呢?
9) 概然你係隻game既開發兼營運, 你都用SAO去釣原玩家既恐怖記憶, 釣唔到就派人用拳頭去搶係咩一回事? 概然隻game係你既, 加到隻boss能力封頂兼鎖血一樣可以釣到原玩家既恐怖記憶, 仲唔洗黑幕親自出面, 成件事根本多餘！
10) 同Boss對打有觸覺有壓力, 幽靈AI就觸不到的戀人！設定真係太嚴謹啦！
11) 可以精準到搵到人腦入內有邊個時期(成個時期, 唔係當中某一小段)既記憶黎讀取, 之後又可以淨係COPY果段時間既記憶, 真係五歲小孩都輕鬆易懂的腦科學入門阿！
12) 黑幕阿黑幕, 概然你係隻game既開發兼營運, 點解唔改下個前線同黨既造型呢? 你係萬人景仰既明星玩家, 堅持用真樣做陰質野, 荒死仇家搵你唔到咁又想點呢?
13) 原則上掃瞄SAO記憶做成失憶係副作用黎, 我有理由相信黑幕本來無諗過尼個可能性, 亦唔會進行過詳細臨床實驗, 畢竟要保密唔可以俾人知有尼個副作用同功能. 咁好喇, 咁點解黑幕俾桐爺問兩問就有啲招架不住, 開始兜話尼個功能好正面呢? 到底你知定唔知呢? 如果你唔知你根本唔需要同佢哂口水, 一味否認已經吹你呂漲, 對方只係個細佬唔通真係有本事強制搜查你咩！如果你知有尼個咁正面既副作用, 就唔洗搞咁多陰謀啦, 直接打著清除原SAO玩家痛苦回憶既旗號就可以大量copy玩家記憶啦！
14) 張相明明面向另一個方向而且離成間房咁遠桐爺你都可以睇得咁清楚?! 我睇得好清楚你無戴AR架喎！
15) 我從來見未見過有人可以將跨越悲傷變成變成今日既我尼個王道救贖都可以演繹得咁頹！
16) 阿廁娜你寫日記寫得咁悲哀(其他唔講, 尼個位我真係感動左一小下), 但寫日記個畫面完全唔悲哀都算難得囉...
17) 而家講緊掃瞄記憶掃到壞腦阿桐爺！你點樣奪回記憶阿！你讀腦科架咩?! 你收皮啦好冇阿！
18) 至少川原仲知記憶係無得偷同搶, 作個燒腦既副作用出黎令個劇情合理化(雖然都完全唔合理), 但實際上因為尼套係龍傲天動畫, 為左夾硬令桐爺用蠻力解決問題拯救世界, 於是桐爺後期就不斷偷換概念講到係黑幕搶走左阿廁娜記憶！核心設定都可以話改就改！
19) 所以我話AR尼個遊戲到底係點樣呢? 冇等級? 冇屬性? 武器無數值? 桐爺一個人一把劍打足全部boss, 把新手劍打高等boss仲要刀刀打得入, 唔會被剋屬性架咩? 尼隻真係未來既MMO?
20) 決戰地點選係停車場你地都係想俾車車死遮?
21) 桐人查左成套劇場版乜春都查唔到最後黑幕自己自爆都算經典囉
22) 到底係邊個天才設計體能增強裝置完全暴露於後頸仲要發光呢?
23) 你設計個陰謀出黎, 想一次過收集大量數據, 而因為效能太強會燒壞腦, 至少會上新聞, 驚動政府, 所以你個server會關機, 好啦, 咁你砌出黎既AI悠娜仲會有得剩?!
24) 個電子鎖用槍就打得開咁點解唔派個人放哂啲玩家出黎呢?!
25) 一個結衣已經幾乎全能, 加埋悠亞, 你兩個超級AI唔去破解個系統解放玩家, 而硬係要將所有希望俾哂桐爺！
26) SAO淨係得劍一種武器, 然後C奶可以用槍！真係勁既遮！
27) ALO同GGO都出埋, 我已經唔再驚訝了。
28) 我完全諗唔透AR套新衫咁好睇點解要換返原祖套核突衫, 我以為得KOF會混淆懷舊同不思改進, 原來川原都會！
29) 真‧悠娜唱歌果part其實幾感動, 我幾唔願承認都好不得不坦白講我有啲眼濕濕, 之但係尼個完全唔合理既幽靈AI以更加唔合理既方式消失完美地粉碎左果些許既感動, 即係你用SAO既核心資料去開發O.S.我接受既, 但我完全唔明點解悠娜既AI會同真‧一百層既boss扣埋一齊。
30) 如果O.S.之後無執笠, 點睇真‧悠娜都唔會消失架喎, 真‧一百層boss只係打敗左唔係DEL左阿大佬！
31) 更唔好講真‧悠娜唱歌buff所有玩家再起果少少熱血都俾桐爺輕掃破滅魔劍清場摧毀哂！
32) 最初話係掃瞄燒壞腦！講講下就變左黑幕偷記憶！最後變成心理問題?! 核心設定都可以改三次?!